WhatsApp zapuskaje novy miesiendžar — dla biznesu
Kampanija WhatsApp abviaściła ab zapusku novaha miesiendžara WhatsApp Business, pryznačanaha dla spraščeńnia znosin pamiž arhanizacyjami małoha biznesu i ich klijentami, havorycca ŭ błohu kampanii.
U novym dadatku karystalnikam budzie dastupnaja funkcyja stvareńnia biznes-profilu. Prahledzieŭšy jaho, klijenty zmohuć atrymać infarmacyju pra kampaniju, adras jaje elektronnaj pošty, sajt abo fizičny adras.
U WhatsApp Business taksama budzie pradstaŭlena statystyka i dastupna kiravańnie paviedamleńniami. Paviedamleńni možna budzie padzialić na niekalki hrup: chutkija adkazy, jakija dazvolać aznajomicca z adkazami na častyja pytańni, vitalnyja paviedamleńni, jakija dazvolać klijentam aznajomicca ź biznesam kampanii, i paviedamleńni «niama na miescy».
Dadatak dla pryładaŭ na Android na dadzieny momant dastupny dla zahruzki ŭ Indanezii, Italii, Mieksicy, Anhlii i ZŠA, a ŭ bližejšyja tydni zapracuje i ŭ inšych krainach.