Zmahalisia i bilisia da apošniaj siekundy: Biełaruś u dramatyčnaj baraćbie sastupiła Charvatyi
twitter.com/ehfeuro
Na čempijanacie Jeŭropy pa handbole zbornaja Biełarusi ŭ matčy druhoha etapa prajhrała haspadaram čempijanatu Charvatyi z roźnicaj u dva miačy — 23:25 (pieršy tajm 12:15)
Za dźvie chviliny da kanca našy zdoleli zraŭniać lik 23:23 (prajhravali ž u pačatku druhoha tajma 14:18), ale ŭtrymacca nie zdoleli, charvaty zakinuli dvojčy.
Siońnia ŭ našaj hrupie Narviehija vyjhrała ŭ Sierbii 32:27.
Narviehija, Charvatyja, Francyja, Šviecyja — 4, Biełaruś, Sierbija — 0. Adnak Francyja i Šviecyja zhulali na matč mieniej.
Nahadajem, što na ČIE biełarusy pieramahli ŭ pieršym matčy Aŭstryju, zatym sastupili Narviehii, Francyi, ale vyjšli ŭ nastupny etap.
22 studzienia kamanda Juryja Šaŭcova hulaje sa Šviecyjaj, a 24-ha — ź Sierbijaj. U kamandy budzie try dni pierapynku.
U paŭfinał vychodziać dźvie najlepšyja kamandy, a zbornaja, što zojmie 3-je miesca, zhulaje za 5-je miesca z družynaj z susiedniaj hrupy.