Žychary minskaj Kamiennaj Horki stvaryli pietycyju, kab abaranić apošni volny pahorak u rajonie
Na petitions.by 13 studzienia źjaviłasia pietycyja žycharoŭ staličnaha mikrarajonu Kamiennaja Horka, u jakoj jany zaklikajuć usich nieabyjakavych dapamahčy ŭ vyratavańni apošniaj dziciačaj horki ad zabudovy.
Dzieci i darosłyja na horcy.
Jak śćviardžajuć aŭtary pietycyi, heta adzinaje miesca ekałahičnaha adpačynku ŭ rajonie kalcavoj darohi. «Tysiačy dziaciej štohod katajucca tam na sankach i ciubinhach. Znos Horki niezakonny, bo nie byli praviedzienyja hramadskija słuchańni — u parušeńnie zakanadaŭstva ab architekturnaj i horadabudaŭničaj dziejnaści. Heta značyć, čynoŭniki pieravysili słužbovyja paŭnamoctvy. Pieravažnaja bolšaść žycharoŭ — suprać. Na hetym miescy chočuć budavać pažarnaje depo. My nie suprać depo, ale pieraniasicie jaho budaŭnictva na 100 mietraŭ laviej. Miescy dla zabudovy vielmi šmat», — pišuć jany.
Trynaccataha studzienia technika pačała razbureńnie ŭskrajku horki. Na siońniašni viečar pietycyju padpisali kala 400 čałaviek.
Pačatak budaŭničych prac na horcy. Fota Pavieł Śpiryn
