U Niderłandach praz urahanny viecier admianili sotni avijarejsaŭ
Avijakampanija KLM pa pryčynie ŭrahannaha vietru ŭ Niderłandach admianiła bolš za dźvieście avijarejsaŭ. Pra heta paviedamlaje vydańnie Volkskrant.
Paviedamlajecca, što ŭmovy nadvorja ŭ krainie pahoršylisia ŭ noč na čaćvier. Mocny viecier, paryvy jakoha dasiahajuć 130 kiłamietraŭ u hadzinu, supravadžajecca daždžom, a časam — śnieham.
Mocny viecier pryvioŭ da šerahu DTZ na darohach. U pryvatnaści, u sacsietkach raspaŭsiudžvajuć fota, na jakich vidać, jak hruzaviki litaralna znosić z darohi vietram. Jak čakajecca, pik štormu pryjdziecca siońnia na druhuju pałovu dnia.
#r1jn a27 bij Raamsdonksveer pic.twitter.com/t3IjPtvnvZ
— Praz składanyja ŭmovy nadvorja transpart Niderłandaŭ pracuje ź pierabojami. U pryvatnaści, na čyhuncy źmienšana kolkaść ciahnikoŭ, jany kursujuć ź vialikim intervałam.
Mižnarodny aeraport Schipchoł jašče napiaredadni zrabiŭ papiaredžańnie pasažyram i rekamiendavaŭ sačyć za statusam svaich rejsaŭ na sajcie. Avijakampanija KLM u jakaści miery strymańnia admianiła 220 rejsaŭ. Pasłableńnie vietru čakajecca ŭ piatnicu.
