Siamja ciemnaskuraha chłopčyka z rekłamy H&M pierajechała praz pahrozy
Baćki pryniali rašeńnie pakinuć dom u Stakholmie paśla taho, jak u Paŭdniovaj Afrycy aktyvisty partyi «Zmahary za ekanamičnuju svabodu» razhramili niekalki kramaŭ šviedskaha brenda ŭ znak pratestu suprać rasizmu, a maci chłopčyka pačali prychodzić pahrozy.
Kanflikt razhareŭsia praz fotazdymak ciemnaskuraha chłopčyka Lijama ŭ chudzi z nadpisam «Samaja krutaja małpa ŭ džunhlach», što źjaviŭsia na sajcie H&M. Brend abvinavacili ŭ rasiźmie i, niahledziačy na toje, što kampanija vydaliła zdymak praktyčna adrazu, źniała z prodažu chudzi i publična pryniesła prabačeńni, hramadskaje abureńnie nikudy nie źnikła. Spačatku z brendam admovilisia supracoŭničać repiery The Weeknd i G-Eazy, a paśla ŭ Paŭdniovaj Afrycy pačalisia akcyi pratestu z razhromam kramaŭ.
We are not outside, we are inside .........@h&m pic.twitter.com/PvVgVTCL91
Kali maci piacihadovaha Lijama Tery Manha zastupiłasia za kampaniju, patłumačyŭšy, što heta adna z sotniaŭ rečaŭ, u jakich zdymaŭsia jaje syn, i ŭ hetym švedry niama nijakaha rasizmu, chvala abureńnia abrynułasia i na jaje.
«Ja ciažar dla ciemnaskuraha i afra-amierykanskaha naroda. Ja pradała svajho syna za hrošy», — patłumačyła Tery pryčynu napadak na jaje.
Lijam nie viedaje, što jaho fota vyklikała takuju reakcyju pa ŭsim śviecie. Maci nie choča, kab jon pra heta daznaŭsia, pakolki, ź jaje słoŭ, chłopčyk raniej nikoli nie sutykaŭsia sa źjavaj rasizmu. I navat nie zdahadvajecca, što takoje ŭvohule moža być.
