VUP Biełarusi ŭ 2017 hodzie vyras na 2,4%
VUP Biełarusi ŭ 2017 hodzie vyras na 2,4%. Pra heta paviedamiŭ siońnia premjer-ministr Andrej Kabiakoŭ na pasiadžeńni prezidyuma Savieta ministraŭ, dzie razhladajecca pytańnie ab mierach pa realizacyi zadač sacyjalna-ekanamičnaha raźvićcia Biełarusi i čakanych vynikach raboty ekanomiki ŭ studzieni i I kvartale 2018 hoda, pieradaje karespandent BiełTA.
Andrej Kabiakoŭ kanstatavaŭ, što 2017 hod skončyŭsia z tempam rostu VUP 102,4% pry prahnozie 101,7%. Tym samym zabiaśpiečany vychad na praduhledžanyja piacihadovaj prahramaj paramietry rostu ekanomiki i kampiensavana adstavańnie 2016 hoda.
Kiraŭnikom dziaržavy zaćvierdžany prahnoznyja paramietry na 2018 hod, dla ich raźvićcia pryniaty adpaviednyja pastanovy ŭrada, dzie sfarmiravana matryca klučavych pakazčykaŭ usioj viertykali, adznačyŭ premjer-ministr. «Hałoŭnyja zadačy zbałansavanaha rostu ekanomiki — naroščvańnie i dyviersifikacyja ekspartu, pryciahnieńnie inviestycyj, stvareńnie novych pracoŭnych miescaŭ u pieršuju čarhu ŭ siektary małoha i siaredniaha biźniesu», — padkreśliŭ Andrej Kabiakoŭ. Dla hetaha nieabchodna razharnuć poŭnamaštabnuju pracu pa realizacyi pryniatych Łukašenkam rašeńniaŭ pa libieralizacyi ŭmoŭ viadzieńnia biznesu.