Biełteleradyjokampanija praviaraje pieśni finalistaŭ nacadboru «Jeŭrabačańnia»: i Alekseev'a, i navat Shuma
Biełteleradyjokampanija praviaraje pieśni finalistaŭ nacadboru «Jeŭrabačańnia-2018», paviedamiła žurnalistam kiraŭnik pres-słužby Biełteleradyjokampanii Śviatłana Smałonskaja-Kraskoŭskaja.
Kiraŭnik pres-słužby patłumačyła, što arhanizatar nacadboru zacikaŭleny ŭ tym, kab situacyja znachodziłasia ŭ pravavym poli. Pavodle jaje słoŭ, Biełteleradyjokampanija praciahvaje pravierku pa fakcie taho, što pieśnia adnaho ź finalistaŭ — ukrainskaha pop-vykanaŭcy Alekseev — hučała da dazvolenaj daty (1 vieraśnia 2017 hoda).
«Treba dakładna razumieć, što jość ekśpiertnaje mierkavańnie i jość ekśpiertyza, što nie adno i toje ž.
Tym bolš što takaja ž situacyja ź jašče adnym udzielnikam adboru Shuma, u pieśni jakoj narodnyja słovy.
Zaraz arhanizatary nie majuć mahčymaści źviazacca z udzielnikami, paviedamić artystam pra heta», — skazała pradstaŭnik Biełteleradyjokampanii.
Finał biełaruskaha adboru projdzie 16 lutaha.