U Bielhii prapanavali vykarystoŭvać cieły pamierłych ludziej dla vyrabu kampostu
Siabry partyi «zialonych» Ecolo ŭ składzie administracyjnaje rady bielhijskaha horada Mons prapanavali puskać na kampost prach pamierłych žycharoŭ.
Bielhija. Fota: Fotolia / Jenifoto
Adpaviednuju prapanovu ekałahisty uniasuć na razhlad haradskoj administracyi ŭ paniadziełak uviečary, paviedamiła teleradyjokampanija RTBF.
Jana pryvodzić dadzienyja daśledavańniaŭ, zhodna ź jakimi za hod cieła pamierłaha čałavieka transfarmujecca ŭ ekałahična čysty kampost.
«Zialonyja» chočuć, kab Mons staŭ horadam realizacyi piłotnaha prajekta pa vykarystańni čałaviečaha pierahnoju pry azielanieńni adnaho z parkaŭ. Jany taksama dapuścili, što kampost zmohuć atrymlivać i zvyčajnyja hramadzianie «dla jaho vykarystańnia na pryvatnych padvorkach pry vysadžvańni raśliny ci dreva ŭ pamiać ab pamierłym».
Pra toje, jak prapanujecca atrymlivać pierahnoj z čałaviečaha prachu, nie paviedamlajecca.
