U Prazie aholenaja aktyvistka Femen, što ładziła akcyju pierad Łukašenkam, napała na prezidenta Zemana FOTA, VIDEA
lidovy.cz
Ukrainskaja «sekstremistska» Anželina Dyjaš napała na kiraŭnika Čechii na vybarčym učastku — siońnia i zaŭtra ŭ Čechii prachodziać vybary prezidenta. «Sekstremistka vykrykvała «Zeman — pradažnaja dzieŭka», - adznačajecca ŭ zajavie na sajcie ruchu.
U zajavie Femen udakładniajecca, što Zeman dziejničaje ŭ intaresach Maskvy, jak Tramp, Lo Pen i eks-kancler Hiermanii Šroder
Češskaje vydańnie Lidove noviny apublikavała videa, dzie raspranutaja pa pojas aktyvistka kidajecca nasustrač Zemanu. Praź niekalki siekund jaje zatrymali achoŭniki, abkłaŭšy tvaram uniz na padłohu.
Nahadajem, što Dyjaš praviała akcyju padčas sustrečy Łukašenki i Parašenki ŭ Kijevie 21 lipienia.
Padčas sumiesnaj pres-kanfierencyi kiraŭnikoŭ Ukrainy i Biełarusi aktyvistka toples vybiehła pierad telekamierami. Jana hukała «Žyvie Biełaruś!». Hetyja ž słovy byli napisanyja na hrudziach.