Samy ŭzrostavy futbalist u historyi praciahnuŭ kantrakt sa svaim kłubam. Jamu 50 hadoŭ!
50-hadovy forvard Kadzujosi Miura, što ŭ sakaviku 2017 hoda staŭ samym uzrostavym prafiesijnym futbalistam u historyi, praciahnuŭ kantrakt z kamandaj druhoha japonskaha dyvizijona «Iakahamaj»
Naoki Nishimura/AFLO/ Global Look Press
Kadzujosi Miura praciahnuŭ kantrakt z kamandaj druhoha japonskaha dyvizijona «Iakahamaj». Forvard, jakomu 26 lutaha spoŭnicca 51 hod, pačnie 33-i siezon svajoj prafiesijnaj karjery.
U minułym siezonie Miura zabiŭ adzin hoł u 12 matčach za «Iakahamu». U sakaviku jon staŭ samym uzrostavym prafiesijnym futbalistam u historyi, pabiŭšy rekord uładalnika «Załatoha miača» — 1956 brytanca Stenli Mećjuza.
Miura pačaŭ svaju karjeru ŭ 15 hadoŭ, źjechaŭšy kab stać futbalistam, ź Japonii ŭ Braziliju. U Paŭdniovaj Amierycy jon adyhraŭ za «Santas», «Pałmiejras», «Macurabu», «KRB» «ChV de Žaŭ» dy «Kurytubu». Praz vosiem hadoŭ viarnuŭsia ŭ Japoniju i padpisaŭ kantrakt z «Jomiury/Vierdzi Kavasaki». U Jeŭropie Miura vystupaŭ za «Dženoa» i «Kraacyju», adnak jaho jeŭrapiejskaja karjera była nie nadta ŭdałaj.
U zbornuju Japonii Miura byŭ zaprošany ŭ 1990 hodzie, u 23-hadovym uzroście, i adyhraŭ za nacyjanalnuju kamandu ŭ 89 matčach, zabiŭšy 55 hałoŭ. Usiaho za karjeru jon pravioŭ bolš za 700 matčaŭ, u jakich zabiŭ bolš za 230 hałoŭ (dakładnyja statystyčnyja dadzienyja ab matčach u pačatku jaho karjery nieviadomyja).
Miura zavajavaŭ dva tytuły — u 1989 razam z «Kurytybaj» jon staŭ čempijonam brazilskaj Lihi Paranaensie (čempijanatu brazilskaha štata Parana), a ŭ 1992 hodzie sa zbornaj Japonii vyjhraŭ Kubak Azii.