UEFA nazvaŭ hulcoŭ simvaličnaj zbornaj hoda, piaciora — z «Reała» Madryd
Sajuz jeŭrapiejskich futbolnych asacyjacyj (UEFA) apublikavaŭ siońnia śpis 11 hulcoŭ, jakija ŭvajšli ŭ simvaličnuju zbornuju 2017 hoda pa vynikach hałasavańnia siarod naviedvalnikaŭ sajta UEFA. Za kandydataŭ byli addadzienyja ahułam rekordnyja 8,8 młn hałasoŭ, paviedamlaje uefa.com
Fota — UEFA
bramnik — Džanłuidžy Bufon ( «Juvientus»);
abaroncy — Dani Ałvies («Pary Sien-Žermien»), Sierchia Ramas, Marsieło (abodva — «Reał»), Džordža Kjelini («Juvientus»);
paŭabaroncy — Kievin de Brejn («Mančestar Sici»), Toni Kroos, Łuka Modrič (abodva — «Reał»), Eden Azar («Čełsi»);
napadajučyja — Lijanel Miesi ( «Barsiełona»), Kryšcijanu Ranałdu («Reał»).
Najbolšaje pradstaŭnictva ŭ simvaličnaj zbornaj UEFA — u madrydskaha «Reała», jaki «delehavaŭ» ŭ kamandu ažno piać hulcoŭ.
U 2017 hodzie «Reał» vyjhraŭ čempijanat Ispanii, Supierkubak Ispanii, Lihu čempijonaŭ UEFA, Supierkubak UEFA, čempijanat śvietu siarod kłubaŭ. Akramia taho, Kryšcijanu Ranałdu ŭ piaty raz staŭ uładalnikam «Załatoha miača». Jon ža ŭ minułym hodzie byŭ pryznany najlepšym hulcom siezona pa viersii UEFA.