Kab trapić u hrupavy turnir Lihi čempijonaŭ, BATE pryjdziecca prajści 4 raŭndy kvalifikacyi
UEFA apublikavaŭ raskład čarhovaha rozyhryšu Lihi čempijonaŭ, jaki pačniecca ŭ kancy červienia 2018-ha, a zavieršycca ŭ mai 2019 hoda na madrydskim «Mietrapalitenie». Čempijon Biełarusi — barysaŭski BATE — pačnie turnir ź pieršaha raŭnda kvalifikacyi, a nie z druhoha, jak raniej.
Losavańnie hetaj stadyi turniru adbudziecca 19 červienia, a matčy — 10/11 i 17/18 lipienia. U pieršym adboračnym raŭndzie voźmuć udzieł 33 čempijony krain, jakija zajmajuć miescy ŭ tablicy kaeficyjentaŭ z 18-ha pa 51-je miesca (akramia Lichtenštajnu), a taksama pieramožca papiaredniaha raŭndu.
U druhim da ich dadaducca kamandy z 15-ha pa 17-je miesca, u trecim — 13-je i 14-je, u raŭndzie płej-of — 11-je i 12-je.
Biełaruś u tablicy kaeficyjentaŭ raźmiaščajecca na 25-j pazicyi
