Manieta z «Pahoniaj» stanie samaj darahoj u historyi
Na aŭkcyjon u ZŠA trapili 100 dukataŭ Žyhimonta III Vazy. U 2008 hodzie jana stała samaj darahoj manietaj u historyi. Za 1,38 młn dalaraŭ jaje kupiŭ niamiecki kalekcyjanier. Čakajecca, što hetym razam rekord budzie pabity.
Amerykanski aŭkcyjonny dom Classical Numismatic Group INC prahnazuje, što cana załatoj manety padčas aŭkcyjonu moža dasiahnuć 2 miljonaŭ dalaraŭ. Finał aŭkcyjona projdzie ŭ aŭtorak i sieradu, paviedamlaje Radyjo Svaboda sa spasyłkaj na Gazeta Wyborcza.
Dyjamietr maniety — 70 mm, jana važyć 348,3 hramy zołata. Takich manietaŭ u śviecie zachavałasia ŭsiaho šeść.
Manetu vybili ŭ Bydhaščy. Daśledčyki miarkujuć, što jana była padarunkam karalu abo asobam ź jahonaha bližejšaha atačeńnia. Inšyja miarkujuć, što manietu zamoviŭ sam Žyhimont III Vaza.
Takich manietaŭ było vybita ŭsiaho niekalki. Adna ź ich znachodzicca ŭ Polščy, u Nacyjanalnym muzei ŭ Krakavie. Jana pachodzić z kalekcyi Emeryka Huten-Čapskaha, uradženca Stańkava pad Mienskam.
Aŭtaram prajekta maniety byŭ adzin z najvybitniejšych tahačasnych jeŭrapiejskich majstraŭ — Samuel Amon sa Švajcaryi. Na aversie pradstaŭleny biust karala biez karony, u bahataj zbroi. Pad biustam majstr źmiaściŭ svaje inicyjały SA i datu 1621. Na reversie pad karonaj — ščyt ź dzieviaćciu častkami. Na ich — vyjavy hierbaŭ Polščy i VKŁ, a taksama Šviecyi i Hotłanda, i Snapom Vazaŭ u siaredzinie.
