Taryfnuju staŭku pieršaha razradu płanujecca zamianić bazavaj
Ab hetym siońnia ŭ intervju telekanału ANT paviedamiła ministr pracy i sacyjalnaj abarony Iryna Kaścievič, piša BiełTA.
Ministr raspaviała, što ŭ Biełarusi płanujecca ŭdaskanalić sistemu apłaty pracy ŭ biudžetnaj śfiery. U ciapierašnim vyhladzie jana dziejničaje ŭžo niekalki dziasiatkaŭ hadoŭ. Staić zadača pierahledzieć jaje na praciahu 2018 hoda. «Płanujem pierajści ad taryfnaj staŭki pieršaha razradu da bazavaj staŭki. Pry hetym jana budzie raŭniacca biudžetu pražytačnaha minimumu», - prainfarmavała Iryna Kaścievič.
Pierš za ŭsio, heta dazvolić spraścić sistemu apłaty pracy. «My maksimalna sychodzim ad centralizavanaj sistemy, pierachodzim da źmiašanaj. U kiraŭnika budzie bolš mahčymaściaŭ u płanie stymulavańnia apłaty pracy», - patłumačyła ministr.
Jana dadała, što u 2018 hodzie taryfnaja staŭka pieršaha razradu budzie pavyšacca dvojčy. «U jakim pamiery i ź jakim krokam - zaležyć ad taho, jak spracuje ekanomika», - adznačyła Iryna Kaścievič.
