Ministr infarmacyi Karlukievič: «Ciažka navat skazać, kolki pravodžu ŭ internecie — čytaju naviny i sacsietki»
U časie telefonnaj linii ministr infarmacyi Alaksandr Karlukievič raskazaŭ «Našaj Nivie», što čytaje ŭ internecie.
«Ja cikaŭlusia i pryvatnym, i dziaržaŭnym drukam. Vielmi šmat čytaju papiarovaj pieryjodyki i vielmi časta internetam karystajusia, ciažka skazać navat, kolki hadzin… Adsočvaju naviny i sacyjalnyja sietki. Ale ja nie chacieŭ by vykładać, jakija ŚMI mnie najbolš padabajucca, bo heta budzie ŭspryniata jak niejkija maje rekamiendacyi», — skazaŭ Karlukievič.
Taksama jon vykazaŭsia pra ideju stvareńnia ŭ Biełarusi hramadskaha telebačańnia na ŭzor Bi-Bi-Si.
«Vyłučajcie hetuju ideju, budziem abmiarkoŭvać. U kožnaj idei jość svaja łohika — ja saču za tym, što adbyvajecca ŭ halinie hramadskaha telebačańnia ŭ inšych krainach. Kali ŭ ministerstva buduć niejkija jurydyčnyja zvaroty z hetaj nahody, to ja vykažusia».
