Fłešmob dla čytačoŭ NN: fotkaj śviatočny stoł, staŭ chešteh #nnskrypkaminsk — i pi harbatu ŭ hrymiorcy z Aleham Skrypkam
Napiaredadni vialikaha minskaha kancerta «Voplaŭ Vidaplasava», pryśviečanaha 20-hodździu hurtu, zaprašajem čytačoŭ NN paŭdzielničać u niezvyčajnym fłešmobie.
Umovy prostyja: vykładajcie fota vašaha navahodniaha abo kaladnaha stała z vami i vašymi haściami ŭ Instahramie, Fejsbuku ci Ukantakcie i adznačajcie fotki chešteham #nnskrypkaminsk.
Lepiej fotać sałodki stoł z vypiečkaj i prysmakami, ale možna i kućciu (posnuju ci bahatuju). Abo vybrać ze best z fotak sioletniaha navahodniaha karparatyva na pracy.
Aŭtar samaha aryhinalnaha i emacyjnaha fota budzie mieć ad Aleha Skrypki asabistaje zaprašeńnie na harbatu ŭ hrymiorku pierad kancertam. A taksama — sapraŭdny kijeŭski tort z ruk salista «Voplaŭ Vidaplasava».
Aŭtary jašče piaci vybitnych fota atrymajuć zaprašalniki na kancert «VV», jaki adbudziecca 16 lutaha ŭ Prajm chole (HC «Zamak», pr.Pieramožcaŭ, 65).
