Navukoŭcy vyśvietlili, jak chutka vymruć ludzi, kali ŭsie stanuć kanibałami
Navukoŭcy vyśvietlili, što čałaviectva źniknie ź Ziamli prykładna praz try hady, kali ŭsia ježa źniknie z pavierchni płaniety, i ŭsie jaje nasielniki stanuć kanibałami, havorycca ŭ artykule, apublikavanym u Journal of Physics Special Topics.
AFP 2017/Peter Parks
Za apošnija hady navukoŭcy znajšli mnostva śviedčańniaŭ taho, što pieršyja žychary Jeŭropy mahli charčavacca miasam svaich vorahaŭ abo suplamieńnikaŭ.
Niadaŭna viadomy paleahienietyk i paleantołah Jochanes Kraŭze znajšoŭ pieršyja adnaznačnyja śviedčańni kanibalizmu siarod nieandertalcaŭ, vyjaviŭšy cełuju haru kostak staražytnych ludziej sa śladami «kulinarnaje apracoŭki» ŭ adnoj ź piačoraŭ na poŭnačy Ispanii.
Ź inšaha boku, raźliki bijołahaŭ pakazvajuć, što kanibalizm niavyhadny z enierhietyčnaha punktu hledžańnia: tušy mamantaŭ i prosta bujnych žyviołaŭ utrymlivajuć u sabie značna bolš kałoryj, čym cieły ludziej.
Cieła adnaho čałavieka, jak pakazvajuć raźliki brytanskich daśledčykaŭ, utrymlivaje ŭ sabie kala 125 miehakałoryj, čaho chopić dla taho, kab zabiaśpiečvać enierhijaj jašče 50 ludziej na praciahu sutak. Takim čynam u pieršy dzień paśla nastupleńnia «charčovaha kryzisu» źniknie 1/50 čałaviectva, na druhi dzień — 1/50 ad tych, chto vyžyŭ, i hetak dalej.
Kali ludzi tak i nie zmohuć znajści inšyja krynicy ježy, to praz 1149 dzion na Ziamli zastaniecca tolki adzin čałaviek, jaki źjeŭ za dzień da hetaha apošniaha suplamieńnika.
Jak adznačajuć Choli Hrem z Univiersiteta Lestera i jaje kalehi-daśledčyki, padobnaja katastrofa prykmietna zapavolicca, kali častka kanibałaŭ budzie pavodzić siabie «niesumlenna» i pačnie abjadnoŭvacca ŭ hrupoŭki, jakija buduć adłoŭlivać inšych ludziej i pavialičvać svaje zapasy miasa. U takim vypadku «era kanibałaŭ» praciahniecca niekalki dziesiacihodździaŭ, kali nie stahodździaŭ.
Hałoŭnaj pahrozaj dla ich vyžyvańnia ŭ takim vypadku budzie nie pamianšeńnie zapasaŭ ježy, a «karovina šalenstva» i inšyja chvaroby, źviazanyja z kanibalizmam.
Jak adznačaje RIA «Navuka», fakultet fiziki i astranomii Univiersiteta Lestera (Vialikabrytanija) štohod publikuje navukovy časopis Physics Special Topics, aŭtarami i redaktarami jakoha stanoviacca čaćvierakurśniki fakulteta. Usie artykuły, što nakiroŭvajucca ŭ časopis, prachodziać abaviazkovaje recenzavańnie, a ŭdzieł u jaho padrychtoŭcy aceńvajecca vykładčykami i nieabchodny dla atrymańnia dypłoma.
