Praz anamalnyja chałady ŭ ZŠA zahinuli ŭžo 16 čałaviek
U paŭnočnych štatach ZŠA za apošni tydzień z pryčyny anamalnych chaładoŭ zahinuli ŭžo 16 čałaviek, paviedamlaje CNN.
Šeść čałaviek zamierźli ŭ paŭnočna-zachodnim štacie Viskonsin, a čatyry — u Techasie. U štacie Misury, dzie siaredniaja šmathadovaja tempieratura studzienia nie padaje nižej za minus try hradusy Celsija, zaraz nazirajecca kala minus trynaccaci. U paŭnočna-zachodniaj častcy štatu Fłaryda siońnia ŭpieršyniu za 29 hod vypaŭ śnieh.
Na dadatak na ŭschodniaje ŭźbiarežža ZŠA pryjšoŭ zimovy cykłon z chutkaściami vietraŭ bolšymi za 120 kiłamietraŭ na hadzinu i chvalami ŭ 5-6 mietraŭ vyšynioju. U zonie jahonaha dziejańnia pražyvajuć kala 13 miljonaŭ čałaviek.
Siońnia pa ŭsioj terytoryi Złučanych Štataŭ praź śniehapady i choład admienienyja kala 1300 avijarejsaŭ, Nijaharski vadaspad pa-raniejšamu častkova zamierzły. Prahnozy kažuć pra dalejšaje źnižeńnie tempieratury i anamalna mocnyja vietry ŭ paŭnočna-ŭschodniaj častcy krainy.