Hramadzianin Kitaja pojdzie pad sud u Minsku za machlarstva i padbuchtorvańnie da dačy chabaraŭ
Hienieralnaja prakuratura nakiravała ŭ staličny sud kryminalnuju spravu ŭ dačynieńni da hramadzianina Kitaja. Pa viersii śledstva, mužčyna nazyvaŭsia słužbovaj asobaj i vymańvaŭ hrošy za nibyta dapamohu ŭ padpisańni damovaŭ. Padrabiaznaści paviedamlaje Tut.by sa spasyłkaju na pres-słužbu viedamstva.
Fihurant — hramadzianin Kitaja, u jakoha jość vid na žycharstva ŭ Biełarusi. Jaho vinavaciać adrazu pa dvuch artykułach Kryminalnaha kodeksa: machlarstva ŭ bujnym pamiery i padbuchtorvańnie da dačy chabaru.
Miarkujuć, što sa śniežnia 2015 hoda pa krasavik 2017-ha mužčyna pradstaŭlaŭsia jak słužbovaja asoba, pravamocnaja vyrašać pytańni zaklučeńnia haspadarčych damovaŭ. I takim ašukanskim šlacham zavałodaŭ čužymi 5,8 tysiačami dalaraŭ.
Jašče 15,5 tysiačy dalaraŭ inšaziemiec atrymać nie paśpieŭ — jaho zatrymała milicyja paśla atrymańnia častki sumy.
