U Viciebsku znoŭ masava pierajmienavali vulicy, bo deputaty narabili šmat pamyłak
27 śniežnia viciebskija deputaty ŭnieśli źmieny ŭ svajo rašeńnie №250 ad 20 kastryčnika ab pierajmienavańni šerahu elemientaŭ vulična-darožnaj sietki abłasnoha centra. Jany admovilisia ad pierajmienavańnia vulicy i zavułka Repina ŭ honar narodnaha artysta Biełarusi i SSSR Fiodara Šmakava, a taksama vypravili nazvu zavułka Mikałaja Sakmarkina, bo raniej prapuścili litaru «k» u proźviščy partyzanskaha kambryha. Taksama ŭ Viciebsku źjavicca vulica z «aryhinalnaj» nazvaj Bakavaja — joj stanie byłaja Jaravaja. Pra heta pišuć «Narodnyja naviny Viciebska».
Zrešty, vialiki ruski mastak moža nie radavacca, bo ciapier vyrašana pierajmienavać vulicu Repina ŭ Rubie — jana stanie Słaŭnaj.
Adnak bolš za ŭsio svoj tvorčy patencyjał deputaty Viciebskaha harsavieta prajavili ŭ pierajmienavańni rubaŭskaj Minskaj vulicy, jakaja, zhodna ź pieršym rašeńniem, stała Dałamitavaj. Robiačy rabotu nad pamyłkami, jany raptam vyjavili, što ŭ Rubie ŭžo była Dałamitavaja vulica, u vyniku jaje pryjšłosia pierajmienavać u vulicu Hieołahaŭ.
Na hetym deputaty nie supakoilisia i vyrašyli, što Dźvinskuju vulicu ŭ Rubie, jakuju ŭ minuły raz jany chacieli nazvać Łazurnaj, lepš nazvać Kryštalovaj.