U Iranie jašče dzieviać čałaviek zahinuli padčas pratestaŭ
Dzieviać čałaviek zahinuli ŭ vyniku sutyknieńniaŭ pratestoŭcaŭ z pravaachoŭnymi orhanami ŭ Iranie. Pra heta paviedamlaje Associated Press sa spasyłkaj na iranski dziaržaŭny telekanał.
Šeść pratestoŭcaŭ zahinuli padčas napadu na adździeł palicyi ŭ Kachdarydžanie. Pavodle infarmacyi telekanała, jany sprabavali skraści zbroju ŭ palicyjantaŭ.
U Chamiejnišechry byli zabityja 11-hadovy chłopčyk i 20-hadovy mužčyna, a ŭ Nadžafabadzie zahinuŭ słužboviec Korpusa vartavych revalucyi. Usie troje byli zabityja z palaŭničych strelbaŭ, jakija časta vykarystoŭvajuć u iranskich vioskach.
Raniej paviedamlałasia pra hibiel 12 čałaviek padčas masavych pratestaŭ u Iranie. Dziesiać čałaviek ź ich stali achviarami sutyknieńniaŭ u noč na 1 studzienia. Jašče dvoje zahinuli ŭ iranskim horadzie Darud 30 śniežnia.
Masavyja akcyi pratestu ŭ Iranie pačalisia 28 śniežnia ŭ horadzie Miešchied. Paźniej jany pašyrylisia i na inšyja harady, u tym liku i Tehieran. Udzielniki akcyj pratestujuć suprać ekanamičnych prablem - rostu cenaŭ i vysokaha ŭzroŭniu biespracoŭja, a taksama suprać dziejnaha kiraŭnictva Irana na čale z Ali Chamieniei. Sotni ŭdzielnikaŭ pratestaŭ byli aryštavanyja.
Ułady Irana časova abmiežavali dostup da Instagram i Telegram.