U pieršy dzień novaha hoda možna budzie ŭbačyć redkuju supierpoŭniu
Na redkaść vialiki Miesiac čakaje nas u noč na 2 studzienia 2018 hoda: roźnica pamiž pieryhiejem (najbolšym nabližeńni spadarožnika da Ziamli) i poŭniaj składzie ŭsiaho 4,5 hadziny.
Supierpoŭnia ŭ Minsku 14 listapada 2016 hoda
Miesiac padydzie da Ziamli ŭ 00:56 pa minskim časie vielmi blizka — na 356 565 km, a ŭ 05:25 adbudziecca poŭnia. Pryhožaja karcina čakaje naziralnikaŭ u noč na 2 studzienia: apoŭnačy Supiermiesiac budzie znachodzicca vysoka nad suzorjem Aryjona, u Bliźniatach. Jaho možna budzie nazirać ź viečara 1 studzienia da ranicy 2 studzienia, to bok usiu noč nad paŭdniovym haryzontam, pry ŭmovie jasnaha biaschmarnaha nadvorja. Ale sinoptyki prahnazujuć daždžy.
U momanty supierpoŭni spadarožnik Ziamli vyhladaje na 14% bolš i na 30% jarčej, čym pry prachodžańni najbolš addalenaj kropki — apahieju.