Huawei pradstaviła smartfon z čatyrma kamierami
Kampanija Huawei pradstaviła novy biazramačny smartfon Honor 9 Lite, jaki ździŭlaje kolkaściu kamier — ich ažno čatyry.
Honor 9 Lite važyć 149 hramaŭ i maje pamiery 151ch71,9ch7,6 milimietra. Šklanyja paneli vyhnutyja z abodvuch bakoŭ korpusa. Sam IPS LCD-dysplej atrymaŭ dyjahanal 5,65 cali, razroźnieńnie 2160ch1080 piksielaŭ i modnyja zaraz suadnosiny bakoŭ 18:9 (takija ž suadnosiny majuć iPhone X i Galaxy S8).
Smartfon maje apieratyŭnuju pamiać pamieram 3 abo 4 HB, a ŭbudavanuju — 32 abo 64 HB. Akumulatar — na 3000 mAh.
U Honor 9 Lite čatyry kamiery — dźvie zzadu i dźvie śpieradu. Padvojnyja abjektyvy na 13 i 2 miehapiksieli padtrymlivajuć HDR, ličbavy zum, efiekt razmyćcia fonu, aŭtamatyčnaje vyznačeńnie ŭśmieški i inšyja funkcyi. Pa susiedstvie z asnoŭnaj kamieraj raźmiaściŭsia skanier adbitkaŭ palcaŭ.
Smartfon pracuje na Android 8.0 i EMUI 8.0. Jość 3,5-milimietrovy vychad dla navušnikaŭ, Bluetooth 4.2 i USB Type C.
Prodažy aparataŭ startujuć u Kitai z 26 śniežnia pa canie ad 185 dalaraŭ.
