Kurs bitkojna prabiŭ adznaku $19 000
Kurs bitkojna pieraadoleŭ adznaku $ 19 tysiač za manietu, adnak nie zmoh zamacavacca na novych uzroŭniach i adkaciŭsia nižej. Rost koštu hetaj kryptavaluty adbyŭsia ŭ čakańni pačatku tarhoŭ fjučersami na bitkojn na tavarnaj biržy CME, piša RBK.
Fota: Chris Ratcliffe / Bloomberg
Samaja papularnaja ŭ śviecie kryptavaluta bitkojn na tarhach u subotu, 16 śniežnia, znoŭ padaražeła: jaje kurs padymaŭsia vyšej za adznaku $19 tys. za manietu. Na piku cana adnaho bitkojna dasiahała $19 060, adnak paźniej adbyłasia karekcyja i pa stanie na 20:57 našaha času adzin bitkojn kaštavaŭ $18 892, a kapitalizacyja hetaj kryptavaluty pieravysiła $316 młrd.
Kurs bitkojna vyras u čakańni pačatku tarhoŭ fjučersami na hetuju kryptavalutu na najbujniejšaj u śviecie tavarnaj biržy CME Group, jakija pryznačanyja na 18 śniežnia 2017 hoda.
Cboe Global Markets (CME) pačaŭ tarhi fjučersami na bitkojn 11 śniežnia. Heta vyklikała ažyjataž na rynku i birža była vymušana prypyniać tarhi praz burny rost cen, kab źnizić vałacilnaść, a rost trafiku na sajt Cboe pryvioŭ tady da zapavoleńnia jaho zahruzki. Košt fjučersaŭ za ličanyja hadziny tarhoŭ uźlacieŭ tady na 25%.