Biełarus Maksim Huścik zaniaŭ druhoje miesca na etapie Kubka śvietu pa frystajle ŭ Kitai
Maksim Huścik. Fota z archivu
Biełaruski łyžny akrabat Maksim Huścik zaniaŭ druhoje miesca na pieršym etapie Kubka śvietu pa frystajle ŭ Kitai, paviedamlaje BIEŁTA.
U supierfinale, kudy biełarus vyjšaŭ z druhim vynikam, jon sastupiŭ tolki pradstaŭniku haspadaroŭ tramplina harnałyžnaha centra ŭ Secret Garden Czia Cońjaniu. Bronzavym pryzioram pieršaha etapu Kubka śvietu staŭ Ljuis Irvinh z Kanady.
Inšyja biełaruskija łyžnyja akrabaty ŭ supierfinał, dzie razyhryvalisia ŭznaharody, nie patrapili. Stanisłaŭ Hładčanka zaniaŭ 8-je miesca, Dzianis Vosipaŭ — 10-je, Arciom Bašłakoŭ pakazaŭ 24-y vynik, Dźmitryj Mazurkievič — 26-y, Anton Kušnir zaviaršyŭ vystupleńnie na stadyi kvalifikacyi na 27-j pazicyi vynikovaha pratakołu.
Druhi etap Kubka śvietu adbudziecca 17 śniežnia taksama ŭ harnałyžnym centry Secret Garden.
Na Alimpijadzie ŭ Pchiončchanie turnir siarod łyžnych akrabataŭ projdzie z 15 pa 18 lutaha 2018 hoda.
