Zasnavalnika Kiss abvinavacili ŭ seksualnych damahańniach
Adnaho z zasnavalnikaŭ rok-hurta Kiss, Džyna Simansa, abvinavaciła ŭ damahańniach žurnalistka, jakaja rabiła ź im intervju. Pra heta paviedamlaje RBK sa spasyłkaj na TMZ. Žančyna padała ŭ sud.
Džyn Simans u sceničnym vobrazie. Fota rossaprimavera.ru.
Pa słovach žurnalistki, incydent adbyŭsia ŭ minułym miesiacy. Žančyna brała intervju ŭ Simansa na adkryćci restarana.
Padčas razmovy muzykant uziaŭ jaje ruku i pakłaŭ sabie na kalena. Adnačasova jon dazvoliŭ sabie šerah dvuchsensoŭnych namiokaŭ. Paźniej, padčas hrupavoha fota, jon schapiŭ jaje za jahadzicy.
68-hadovy Džyn Simans (imia pry naradžeńni — Chaim Vic) viadomy jak adzin z zasnavalnikaŭ rok-hurta Kiss pad sceničnym psieŭdanimam The Demon.
Kiss vystupali ŭ žanrach hłem-rok, šok-rok i chard-rok. Ich asablivaj admietnaściu byŭ sceničny makijaž muzykaŭ.
