Hrodzienskaja DAI: Złamyśniki abjavili «palavańnie» na «Tajoty» pa ŭsioj Biełarusi
U Lidzie ŭ kancy kastryčnika byŭ skradzieny aŭtamabil «Tajota Chajlender» 2013 hoda vypusku, koštam 27 tysiač dalaraŭ. Mašyna źnikła z dvara šmatpaviarchoŭki ŭnačy.
Statystyka pakazvaje na toje, što złamyśniki abjavili sapraŭdnaje palavańnie na aŭtamabili «Tajota» pa ŭsioj krainie. Za apošnija niekalki miesiacaŭ u roznych rehijonach Biełarusi vykradziena 15 aŭtamabilaŭ, papiaredžvaje Hrodzienskaja DAI.
U lidarach hetaj sumnaj statystyki Viciebskaja, Homielskaja, Mahiloŭskaja i Minskaja vobłaści. Darečy, niačystych na ruku hramadzian cikaviać jak japonskija ŭsiedarožniki, tak i siedany «uzrostam» da 10 hadoŭ — dalej jany pierapraŭlajucca za miažu.
Jość usie padstavy mierkavać, što kradziažy aŭto adbyvajucca šlacham pierachopu radyjosihnału ad čyp-kluča, pry hetym ciapier užo sčytać sihnał złamyśniki mohuć, kali kluč lažyć prosta na stale ci ŭ kišeni ŭładalnika aŭtamabila. Tamu haspadaram mašyn (asablivaja ŭvaha — da «Tajoty») varta viarnucca da daŭno vynajdzienaha miechaničnaha błakatara rula i karobki pieradač, taksama možna ŭstalavać sakretnuju knopku adklučeńnia «masy» i samaje hałoŭnaje — nie paskupiciesia na stajanku pad achovaju.
