U Vialikabrytanii vyratavali dzicia, što naradziłasia z sercam navonki
Brytanskija miedyki zdoleli vyratavać žyćcio novanarodžanaj dziaŭčynki, jakaja naradziłasia z sercam navonki hrudnoj kletki. Heta pieršy vypadak u historyi brytanskaj miedycyny, kali dzicia paśpiachova pieraniesła try apieracyi takoj składanaści, jakija dajuć nadzieju na całkam narmalnaje žyćcio ŭ budučyni, paviedamlaje BBC.
Baćki z dačkoju. Fota — BBC
Taki defiekt płodu zdarajecca prykładna adzin raz na miljon ciažarnaściaŭ, i zvyčajna, takija dzieci nie dažyvajuć da momantu narodzinaŭ. Kali padčas prenatalnych daśledvańniaŭ u 31-hadovaj maci dziaŭčynki zdyjahnazavali hety defiekt raźvićcia płodu, miedyki raili joj pierapynić ciažarnaść chirurhičnym šlacham.
Adnak jana i 41-hadovy baćka dziaŭčynki admovilisia — i vyrašyli ratavać dzicia.
«Heta byŭ sapraŭdny šok — kali UHD pakazała, što jaje serca bjecca navonki hrudnoj kletki. Ja spałochałasia — bo nie viedała, što moža zdarycca», — skazała maci dziaŭčynki Naomi Findłej. «Tady nam paraili abort, bo šancaŭ na toje, što jana vyžyvie — jak nam skazali — nie było amal anijakich. Nichto ŭ heta nie vieryŭ», — dadaŭ baćka Dzin Uiłkins.
Dziaŭčynka naradziłasia 22 listapada šlacham kiesarava siačeńnia — kab paźbiehnuć niebiaśpieki traŭmy i infiekcyi adkrytaj hrudnoj kletki padčas prachodu ŭžo praz rodavyja šlachi. A ŭžo 50 chvilin paśla narodzinaŭ pieražyła pieršuju chirurhičnuju apieracyju na adkrytym sercy. A paśla — ciaham niekalkich dzion — jašče dźvie.
Dziaŭčynka paśla naradžeńnia. Fota — Glenfield Hospital
Zaraz siamja vypisałasia sa špitala, i budzie praciahvać lačeńnie ambułatorna. «Jaje moc davała mnie siły iści dalej. Jana — sapraŭdny bajec» — skazała maci trochtydniovaj Veniełoŭp Choŭp Uiłkins.
