Deutsche Bank papiaredžvaje: krach bitkoina — adna z klučavych ryzyk u 2018 hodzie
Krach bitkoina źjaŭlajecca adnoj z klučavych ryzyk dla suśvietnaj ekanomiki ŭ 2018 hodzie. Pra heta skazaŭ hłabalny ekanamist Deutsche Bank Torsten Słok (Torsten Slok), pieradaje Cointelegraph.
Pa słovach Słoka ŭ kryptavaluty vialiki patencyjał dla rezkaha źmianieńnia cany. Jon prahnazuje, što heta moža adbycca jašče da kanca hetaha hoda.
Adznačajecca, što jaho asnoŭnyja aściarohi źviazanyja z pytańniami rehulavańnia, prazrystaści i raskryćcia infarmacyi, a taksama z vałacilnaściu, zdolnaj paŭpłyvać i na masavy rynak.
«Heta źviazana hałoŭnym čynam z tym, što finansavyja rynki da hetaha času razhladali vałacilnaść cany bitkoina jak nievialikuju prablemu. My krychu chvalujemsia, što heta ryzyka moža stać bolš sistemnaj, u pryvatnaści, jość naściarohi, ci nie praciahnucca ciapierašnija tendencyi ŭ 2018 hodzie», — adznačyŭ jon.
Ekanamist taksama adznačyŭ, što isnuje jašče šmat ryzyk akramia bitkoina: padziei vakoł Brexit, uzrovień inflacyi ŭ ZŠA, płany jadziernych vyprabavańniaŭ Paŭnočnaj Karei i patencyjnaja burbałka na rynku žylla ŭ Šviecyi i Narviehii.
