Saudaŭskaja Aravija dazvolić kinateatry paśla 35-hadovaj zabarony

Saudaŭskaja Aravija ŭpieršyniu paśla 35-hadovaj zabarony adkryje kinateatry. Takoje rašeńnie ŭ paniadziełak było pryniata naślednym pryncam Machamiedam bin Salmanam ŭ ramkach reformaŭ, paviedamlaje Associated Press. Pieršyja kinateatry pavinny adkrycca ŭ sakaviku 2018 hoda.

Kinateatry ŭ krainie byli zabaronienyja na chvali musulmanskaha ultrakansiervatyzmu ŭ 80-ch hadach minułaha stahodździa. Prahlad zachodnich filmaŭ i navat stužak jehipieckaj vytvorčaści byŭ abvieščany tady hrachoŭnym. Mnohija saŭdzity jeździli ŭ kino ŭ susiednija krainy, naprykład, u AAE.

U Saudaŭskaj Aravii ŭžo niekalki miesiacaŭ iduć palityčnyja reformy. Tak, u kastryčniku žančynam było dazvolena vadzić aŭtamabil i naviedvać hramadskija miescy.

U krainie zaraz užo možna ładzić kancerty i inšyja zabaŭlalnyja mierapryjemstvy. Ličycca, što hetyja reformy pavinny spryjać ruchu srodkaŭ unutry krainy i stvaryć novyja pracoŭnyja miescy va ŭmovach źnižeńnia koštaŭ na naftu i pieraaryjentacyi suśvietnaj ekanomiki na alternatyŭnyja enierhanośbity.

nn.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0