U Osła ŭručyli Nobieleŭskuju premiju miru FOTAFAKT
Ruchu za jadziernaje razzbrajeńnie (ICAN) u niadzielu była ŭručana Nobieleŭskaja premija miru za 2017 hod. Cyrymonija adbyłasia ŭ Osła, u budynku ratušy narviežskaj stalicy.
Pamier uznaharody składaje 9 miljonaŭ šviedskich kron (kala 900 tysiač jeŭra). Premiju atrymali kiraŭnica ICAN Bieatrys Fin sa Šviecyi razam z vyžyłymi padčas jadziernaj bambardziroŭki Chirasimy 1945 hoda.
«Najvažniejšaje pasłańnie ICAN u tym, što śviet nikoli nie budzie biaśpiečnym, pakul isnuje jadziernaja zbroja», — zajaviła člen Nobieleŭskaha kamiteta Bieryt Rejs-Andersan. Pavodle jaje słoŭ, u zabarony na vykarystańnie takoha vidu ŭzbrajeńnia isnuje niamała ŭpłyvovych praciŭnikaŭ, adnak ciapier admova ad jaho maje bolš važnaje značeńnie, čym kali b tam ni było.
Jak pakazvałasia ŭ zajavie Nobieleŭskaha kamiteta, arhanizacyja ŭznaharodžanaja «za pracu pa pryciahnieńni ŭvahi da katastrafičnych nastupstvaŭ luboha vykarystańnia jadziernaj zbroi», a taksama za jaje «revalucyjnyja namahańni pa dasiahnieńni zakanadaŭčaj zabarony takoj zbroi».