U Litvie stahodździe adnaŭleńnia niezaležnaści buduć śviatkavać ceły tydzień
Stahodździe adnaŭleńnia dziaržaŭnaści Litvy ŭ nastupnym hodzie buduć śviatkavać ceły tydzień — z 9 pa 18 lutaha, piša Delfi.lt.
Na praciahu tydnia buduć prykładzieny ŭsie namahańni, kab pieranieści Stary horad stalicy na stahodździe tamu — u 1918-y hod. Mienavita na hety tydzień namiečany asnoŭnyja akcenty mierapryjemstvaŭ i uračystaściaŭ: arhanizatary pastarajucca pryciahnuć jak maha bolš restaranaŭ i baraŭ, buduć arhanizavany biaspłatnyja ekskursii pa Vilni, najvažniejšyja budynka pieryjadu padpisańnia Aktu niezaležnaści buduć padśviečanyja śpiecyjalnym aśviatleńniem.
«Vilnia była, jość i budzie adkrytym horadam, tamu ŭ śviatkavańnie stohadovaha jubileju my pastarajemsia ŭciahnuć jak maha bolš žycharoŭ i haściej stalicy. Asnoŭny akcent śviata - padarožža ŭ časie, dziakujučy jakomu za košt hladackaha, smakavaha i hukavoha ŭsprymańnia Stary horad Vilni my pieraniasiem ŭ toj losavyznačalny dla Litvy 1918 y hod, — śćviardžaje mer horada Remihijus Šymašus.
Admietnaj rysaj 16-ha lutaha stanuć nie tolki viadomyja akcenty, takija, jak akcyja trykałornych śviatłaforaŭ, vohniščy na praśpiekcie Hiedymina, moładzievaje šeście, biaspłatnyja ekskursii, ale i novyja, niečakanyja idei — supracoŭnictva z restaranami pa ŭznaŭleńni hustaŭ i atmaśfiery stohadovaj daŭnaści, stvareńnie trochkalarovaha ściaha z aśvietlenych mastoŭ, a taksama interaktyŭnaha Zvona stahodździa.
