Dyrektarka «Biełsata»: 2018 hod — nie apošni dla kanała
10 hadoŭ tamu, biełarusy ŭpieršyniu pabačyli pieradačy telekanała «Biełsat». 10 śniežnia 2007 hoda, u Dzień pravoŭ čałavieka, kanał pieršy raz vyjšaŭ u teleefir.
Dyrektar telekanała Ahnieška Ramašeŭska-Huzy ŭ intervju Radyjo Svaboda čarhovy raz abvierhła čutki pra «chutkuju śmierć kanała»
«Nie. Naš kanał zapisany ŭ dziaržaŭny biudžet. Ustanovy biez palityčnaj padtrymki tudy nie traplajuć. «Biełsat» byŭ zapisany ŭ polski biudžet dvojčy, u pieršyja dva hady pracy. Potym ministr zamiežnych spravaŭ Radasłaŭ Sikorski inicyjavaŭ pierachod kanału pad kantrol MZS. Biudžet praciahvajecca, jak praviła, pavodle pryncypu copy-paste. Ja pierakananaja, što heta doŭhaterminovaja dekłaracyja. Kali b Biełsat pavinien byŭ skončycca sioleta, to tak by i było», — miarkuje dyrektar.
Na pytańnie, jakimi buduć nastupnyja 10 hod «Biełsata», sp. Ramašeŭskaja-Huzy adkazvaje:
«Usio budzie zaležać ad našaj finansavaj situacyi i palityki. My budziem raźvivacca technalahična. Budziem ekśpierymientavać, kali kazać pra źmiest. Šmat što zaležyć ad palityki — i ŭ Biełarusi, i zvonku. Budziem zmahacca z rasijskaj prapahandaj. Budziem šukać novyja formy, kab być aryhinalnymi i nie padobnymi da tych kanałaŭ, jakija biełarusy pryzvyčailisia hladzieć. Pahladzim, jak ludzi ŭsprymuć našyja šou. Pačynajem kulinarnuju prahramu. Budziem sprabavać, kab pabačyć, što treba hledaču».