Łaŭreatam Pravaabarončaj premii 2017 hoda stała Halina Abakunčyk
Žurnalist Radyjo Svaboda Halina Abakunčyk stała łaŭreatkaj Pravaabarončaj premii 2017 hoda ŭ naminacyi «Žurnalist hoda». Premija dadziena za «abaronu kaštoŭnaściej pravoŭ čałavieka».
«Vielmi važnaja salidarnaść, bieź jakoj vielmi ciažka pracavać. Premijaj možna ŭznaharodzić mnohich inšych žurnalistaŭ, jakija pracujuć u vielmi składanych umovach. My niedaremna pracujem — my nabližajem toj čas, kali Biełaruś stanie narmalnaj krainaj, kali zakony buduć vykonvacca, pravy čałavieka buduć vykonvacca. Svaboda — jana ŭnutry nas. Žyvie Biełaruś!», — skazała Halina.
Halina Abakunčyk nieadnarazova pieraśledavałasia za svaju prafiesijnuju dziejnaść, zaŭsiody była ŭ centry padziejaŭ. Halinu sioleta zatrymali za aśviatleńnie «Maršu niedarmajedaŭ» u Oršy, pakarali bujnym štrafam. Premiju Halinie ŭručyŭ historyk-archivist, były palitviazień Źmicier Drozd.