Žurnalist Dźmitryj Hałko ŭciok va Ukrainu z 15-hadovym synam
Pa słovach Hałko, na jaho zaviali kryminalnuju spravu ab źbićci milicyjanta.
Dźmitry Hałko z synam
Nahadajem, što prablemy ź milicyjaj pačalisia ŭ žurnalista paśla śviatkavańnia Dnia narodzinaŭ syna ad minułaha šluba. U kvatery było 17 padletkaŭ i adzin darosły — Dźmitryj Hałko. Pa jaho viersii, nieviadoma chto vyklikaŭ milicyju, jakaja biez dazvołu ŭvajšła ŭ kvateru. Zatym, śćviardžaje Hałko, jon dakranuŭsia da ŭčastkovaha, ale toj skruciŭ žurnalista, jaho razam z synam advieźli ŭ milicyju. Niekalki padletkaŭ taksama zatrymali, inšyja raźbiehlisia. Niekalki čałaviek vyskačyli z vakna 2 pavierchu, adzin złamaŭ nahu, druhi — chrybiet.
Pa viersii milicyi, učastkovy sam zaŭvažyŭ dziaciej na bałkonie — jany hučna łajalisia matam — i vyrašyŭ zajści. Tam jamu adkryŭ pjany mužčyna, dzieci ŭ kvatery taksama raśpivali śpirtnoje. Mužčyna — Dźmitry Hałko — pačaŭ chapać učastkovaha za ruki, niekalki ŭdaraŭ nanios jaho syn, śćviardžajuć milicyjanty. Za heta baćku i syna i zatrymali.
Paśla Dźmitryju Hałko dali štraf dźvie bazavyja za łajanku matam. Ale trochi paźniej žurnalist paviedamiŭ u svaim fejsbuku, što na jaho zaviali spravu ab źbićci milicyjanta. U vyniku jon vyrašyŭ źjechać va Ukrainu, dzie žyvie jaho ciapierašniaja žonka z małym synam. 15-hadovy Hałko-małodšy taksama źjechaŭ razam z baćkam.
***