KNDR zajaviła pra niepaźbiežnaść vajny na Karejskim paŭvostravie
Maštabnyja sumiesnyja vučeńni ZŠA i Paŭdniovaj Karei, a taksama zajavy z boku vyšejšaha kiraŭnictva Štataŭ robiać vajnu na Karejskim paŭvostravie niepaźbiežnaj. Pra heta paviedamlaje paŭnočnakarejskaje ahienctva CTAK sa spasyłkaj na zajavu pradstaŭnika MZS KNDR.
«Pačatak vajny na Karejskim paŭvostravie — ustanoŭleny fakt. Zastajecca pytańnie: kali pačniecca vajna?», - havorycca ŭ zajavie pradstaŭnika zamiežnapalityčnaha viedamstva Paŭnočnaj Karei.
Pavodle jaho słoŭ, ułady Paŭnočnaj Karei «nie chočuć vajny dziela vajny». «Adnak nie budziem chavać, što kali ZŠA praciahnuć vypraboŭvać naša ciarpieńnie i pačnuć jadziernuju vajnu, my, biezumoŭna, prymusim ZŠA doraha zapłacić za nastupstvy, užyŭšy jadziernuju zbroju, jakuju my pastajanna palapšajem», - havorycca ŭ zajavie.
