Pucin paabiacaŭ chutka pryniać rašeńnie ab udziele ŭ vybarach
Fota Viktara Fiadosienki, Reuters
Prezident Rasii Uładzimir Pucin paabiacaŭ udzielnikam forumu «Dobraachvotnik Rasii — 2017», što ŭ bližejšy čas prymie rašeńnie pra svoj udzieł u vybarach prezidenta Rasii 2018 hoda.
«Heta zaŭsiody dla luboha čałavieka vielmi adkaznaje rašeńnie, bo matyvam pry pryniaćci rašeńnia moža być tolki imknieńnie palepšyć žyćcio ludziej u našaj krainie, zrabić krainu bolš mahutnaj, abaronienaj, što ŭsia imkniecca ŭ budučyniu. A dasiahnuć hetych metaŭ možna tolki pry adnoj umovie, kali ludzi daviarajuć i padtrymlivajuć», — zajaviŭ Pucin, adkazvajučy na pytańni adnaho z vałancioraŭ i viadučaha cyrymonii Dźmitryja Hubiernijeva pra toje, ci prymie jon udzieł u budučych vybarach.
U svaju čarhu Pucin źviarnuŭsia da ŭdzielnikaŭ forumu z pytańniem, ci padtrymajuć tyja jaho kandydaturu, i, pačuŭšy ŭ adkaz šmathałosaje «Taaak!», paabiacaŭ pryniać rašeńnie «ŭ bližejšy čas».
«Jano [rašeńnie] budzie pryniata ŭ najbližejšy čas. I, prymajučy jaho, ja, viadoma, budu mieć na ŭvazie i našu siońniašniuju hutarku, i vašu reakcyju. Dziakuj vam vialiki», — skazaŭ Pucin.
Vybary zapłanavanyja na 18 sakavika 2018 hoda.
