Minfin znoŭ prypyniŭ licenziju viadomamu strachoŭščyku
Ministerstva finansaŭ paviedamiła ab prypynieńni licenzii strachavoj kampanii «Bi end Bi inšurens Ko» z 11 śniežnia 2017 hoda pa 10 krasavika 2018 hoda, piša Tut.by.
Jak vynikaje z paviedamleńnia Minfina, kampanija nie likvidavała vyjaŭlenyja ŭ chodzie kantrolnych mierapryjemstvaŭ parušeńni patrabavańniaŭ zakanadaŭstva ab strachavańni, jakija vyjavilisia «ŭ niezabieśpiačeńni hrašovymi srodkami ŭ poŭnym abjomie sfarmavanych da raźmiaščeńnia strachavych reziervaŭ i minimalnaha pamieru statutnaha fondu va ŭstanoŭleny patrabavańniem (zahadam) Ministerstva finansaŭ termin».
U pieryjad prypynieńnia dziejańnia licenzii «Bi end Bi inšurens» maje prava prymać čarhovyja častki strachavych uznosaŭ i abaviazana vykonvać abaviazacielstvy pa ažyćciaŭleńni strachavych vypłat pa raniej zaklučanych im dziejučych damovach strachavańnia, havorycca ŭ zajavie Minfina.
Varta adznačyć, što rehulatar ŭžo nie pieršy raz prypyniaje licenziju hetaj strachavoj kampanii. U 2014 hodzie Minfin mieŭ namier prypynić licenziju z 15 krasavika pa 14 listapada. Adnak adnaviŭ jaje ŭžo 21 lipienia.