Pucin i Tramp razmaŭlali pa telefonie bolš za hadzinu
Priezidenty Donald Tramp i Uładzimir Pucin bolš za hadzinu razmaŭlali pa telefonie, paviedamlaje Bloomberg sa spasyłkaj na pradstaŭnika Biełaha doma. Lidery dźviuch krain abmierkavali Siryju, Ukrainu, Iran i Paŭnočnuju Kareju.
Telefonnaja razmova z Trampam adbyłasia na nastupny dzień paśla vizitu ŭ Rasiju prezidenta Siryi Bašara Asada. Na sustrečy sa svaim siryjskim kaleham Pucin paviedamiŭ ab zapłanavanaj razmovie z Trampam.
«Na asnovie našaj siońniašniaj sustrečy ja praviadu kansultacyi ź liderami tych krain, pra jakija ŭžo zhadaŭ. Užo siońnia zapłanavanaja razmova z emiram Katara, zaŭtra — z prezidentam Złučanych Štataŭ Amieryki Donaldam Trampam, zatym — ź liderami krain rehijonu», — cytavała pres-słužba Kramla słovy Pucina.
«U nas z prezidentam Pucinym była vydatnaja razmova. My havaryli pra mir u Siryi, što vielmi važna. My havaryli pra Paŭnočnuju Kareju», — skazaŭ kanału Fox News amierykanski lider. Akramia hetaha, ukazaŭ Tramp, jany zakranuli ŭkrainskuju prablematyku.
Apošni raz Pucin i Tramp havaryli pa telefonie sioleta ŭ traŭni. U liku abmierkavańniaŭ było — siryjskaje pytańnie i budučaja sustreča na samicie G20. Apošni raz prezidenty ZŠA i Rasii razmaŭlali na samicie ATES ŭ Vjetnamie.
