Kala 100 vidaŭ nasiakomych žyvie ŭ kožnaj chacie, śćviardžajuć navukoŭcy
Mišel Traŭtvajn, entamołah z Kalifornii, upeŭnienaja, što ŭ domie kožnaha čałavieka pražyvaje kala sta vidaŭ roznych kazurak. Pra heta paviedamlajecca ŭ jaje daśledavańni, apublikavanym ŭ časopisie Scientific Reports.
Piać hadoŭ kamanda Mišel Traŭtvajn daśledavała čałaviečyja miescy žycharstva ŭ roznych klimatyčnych zonach, kab vyjavić tych, chto zaŭsiody pobač z nami. Navukoŭcy sprabavali vyśvietlić, ad čaho zaležyć bijaraznastajnaść našych damoŭ, pieraŭtvoranych kazurkami ŭ składanyja ekasistemy z charčovymi łancužkami, drapiežnikami, ichnymi achviarami, i parazitami.
Dla hetaha navukoŭcy aceńvali kožny dom pavodle šerahu kryteraŭ: častacie vilhotnaje ŭborki, vynasu śmiećcia, kolkaści voknaŭ i dźviarej u domie, najaŭnaści chatnich žyviołaŭ.
Jak vyśvietliłasia, na kolkaść vidaŭ, jakija žyvuć u domie, anivodzin z hetych faktaraŭ nie ŭpłyvaje: u kožnym čałaviečym žytle isnuje kala 100 vidaŭ nasiakomych. Bolšaść addaje pieravahu nižnim paviercham i pakojam z dyvanovymi pakryćciami, kudy časta zachodziać ludzi. U padvałach ža i kładoŭkach žyvuć tyja, kamu bolš padabajecca ciemra: piačornyja koniki, šmatnožki i maleńkija suchaputnyja rački.
Adnyja vidy charčujucca łuskavinkami čałaviečaje skury i pyłam, inšyja — palujuć na hetych pieršych.
Navukoŭcy vykazali mierkavańnie, što prysutnaść usich hetych kazurak dapamahaje nam vypracoŭvać zdarovy imunny adkaz na patahieny, ź jakimi my nie sustrakalisia b, kali b našyja damy byli sterylnymi.