Žonku Muhabe zaklikali pakinuć kiroŭnuju partyju Zimbabve
Vosiem ź dziesiaci pravincyjnych kaardynacyjnych kamitetaŭ kiroŭnaj u krainie partyi «Afrykanski nacyjanalny sajuz Zimbabve - Patryjatyčny front» zaklikali žonku prezidenta respubliki, člena palitbiuro Hrejs Muhabe pakinuć partyjnyja šerahi.
Pra heta paviedamiła ŭ piatnicu zimbabvijskaja hazieta Herald.
52-hadovaja Hrejs Muhabe była abranaja ŭ 2014 hodzie sakratarom inicyjatyŭnaj hrupy — tak zvanaj žanočaj lihi, jakaja aproč inšaha damahałasia, kab adnym z dvuch vice-prezidentaŭ krainy stała žančyna. Heta abrańnie, u svaju čarhu, dazvoliła pieršaj łedzi stać členam Palitbiuro ZANU-PF.
Jana taksama ličycca adnoj z najbolš imaviernych pierajemnic Robierta Muhabe na pasadzie kiraŭnika dziaržavy. Lihu, u svaju čarhu, padtrymlivaje moładzievaje kryło kirujučaj partyi G40 ci «pakaleńnie 40-hadovych», viadomaje radykalnaści svaich idej, piša TASS.
