Viarchoŭny sud pakinuŭ bieź źmieny prysud pa spravie «bandy Mołnara»
Sudovaja kalehija pa kryminalnych spravach Viarchoŭnaha suda Biełarusi razhledzieła ŭ apielacyjnym paradku kryminalnuju spravu ŭ dačynieńni da tak zvanaj bandy Mołnara. Prysud Mahiloŭskaha abłasnoha suda pakinuty bieź źmieny, a apielacyjnyja skarhi — biez zadavalnieńnia.
Sudovy razhlad u abłsudzie pačaŭsia ŭ sakaviku hetaha hoda i prachodziŭ u zakrytym sudovym pasiadžeńni. Hałoŭny fihurant - 53-hadovy ŭradženiec Babrujska Siarhiej Mołnar - i jaho zmoŭščyki byli pryznanyja vinavatymi ŭ dziejnaści pa stvareńni złačynnaj arhanizacyi, u kiraŭnictvie złačynnaj arhanizacyjaj i ŭdziele ŭ joj, a taksama inšych złačynstvach.
Mahiloŭski abłasny sud pryznačyŭ Mołnaru 18 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu, z kanfiskacyjaj majomaści, z pazbaŭleńniem prava zajmać pasady, źviazanyja z vykanańniem jurydyčna značnych dziejańniaŭ, terminam na 5 hadoŭ i z pazbaŭleńniem prava zajmacca pradprymalnickaj dziejnaściu terminam na 5 hadoŭ. Astatnich 29 abvinavačanych sud pryhavaryŭ da pazbaŭleńnia voli na termin ad 5 da 15 hadoŭ.
«Banda Mołnara» ździajśniali ciažkija i asabliva ciažkija złačynstvy ŭ Mahiloŭskaj vobłaści z 2009 pa 2014 hod. Usiaho sudom było razhledžana bolš za 100 tamoŭ kryminalnaj spravy, pa jakoj prachodziła bolš za 500 paciarpiełych. U materyjałach spravy fihuravała bolš za 80 epizodaŭ złačynnaj dziejnaści. Fihurantaŭ cikaviła ŭsio, što było źviazana z hrašyma: rekiet, razboj, machlarstva, čornaje ryełtarstva, vymahalnictva, vykradańnie ludziej. Zatrymańnia fihurantaŭ prachodzili praktyčna pa ŭsioj krainie.
