Pamior «bos bosaŭ» sicylijskaj mafii

Adzin z kiraŭnikoŭ sicylijskaj mafijoznaj hrupoŭki «Koza Nostra» Salvatore (Tota) Ryina pamior va ŭzroście 87 hadoŭ u Parmie.

Jak adznačaje La Repubblica, apošnija piać dzion Ryina znachodziŭsia ŭ komie paśla dźviuch pieraniesienych apieracyj — u jaho było vyjaŭlena niekalki ciažkich patałohij.

Ryina atrymaŭ mianušku Karatyška z-za nievialikaha rostu, jaho taksama nazyvali «bosam bosaŭ».

U studzieni 1993 hoda mafijozi byŭ aryštavany ŭ Palerma. Ličycca, što jon, jaki adbyvaŭ pažyćciovaje pakarańnie, asabista prymaŭ udzieł u zabojstvie 40 čałaviek i addavaŭ zahady ab zabojstvie mnohich inšych. Ryina — uradženiec sicylijskaha horada Karleonie, šyroka viadomaha pa knizie i filmach «Chrosny baćka».

0

0

0

0

0

0