Sinoptyki: U niadzielu ŭ Biełaruś pryjdzie zima
Fota Siarhieja Hudzilina
U niadzielu nadvorje pačnie mianiacca na zimovy ład i na nastupnym tydni nabudzie zimovy charaktar: čakajecca nievialiki maroz, pieravažna śnieh, što ŭtvoryć śniežnaje pokryva», — skazali ŭ Hidramiecie.
U piatnicu pieravažna biez apadkaŭ, tolki dniom pa paŭnočnym zachadzie karotkačasovyja apadki, u asnoŭnym doždž. Unačy ad minus 2 da +4, dniom +1—7.
U subotu ŭnačy ad minus 3 da +3, udzień — ad nula da +5.
U niadzielu Biełaruś apyniecca pad upłyvam atmaśfiernych frantoŭ z Zachodniaj Jeŭropy.
Na bolšaj častcy terytoryi — karotkačasovyja apadki pieravažna z mokrym śnieham. U asobnych rajonach słaby hałalod, na darohach hałalodzica. Unačy ad minus 3 da +2, udzień — ad nula da +5.
U paniadziełak i aŭtorak, 20-21 listapada, nadvorje buduć vyznačać atmaśfiernyja franty, uśled za imi ŭ Biełaruś pačnie pastupać bolš chałodnaja niaŭstojlivaja pavietranaja masa z poŭnačy Jeŭropy.
U paniadziełak na bolšaj častcy terytoryi krainy karotkačasovyja apadki, u asnoŭnym mokry śnieh. Nočču i ranicaj na asobnych učastkach daroh hałalodzica. Tempieratura pavietra ŭnačy składzie ad minus 3 da +2, udzień - ad nula da +5.
U aŭtorak nočču na bolšaj častcy terytoryi, dniom pieravažna pa Brestčynie karotkačasovy śnieh. Na asobnych učastkach daroh mahčyma hałalodzica.
Tempieratura pavietra ŭnačy ad minus 5 da nula, udzień - ad minus 2 da +3.
