Na trasie ŭ Šviecyi pierakuliŭsia hruzavik z teftelami

Na adnoj z aŭtatras u akruzie Skaraborh na zachadzie Šviecyi pierakuliŭsia hruzavik, jaki pieravoziŭ kala 20 t teftelaŭ. Pryčep z hruzam akazaŭsia ciažej za hruzavik. Pra heta paviedamlaje šviedski telekanał SVT sa spasyłkaj na aficera palicyi Tomi Ermiksana.

Incydent adbyŭsia pamiž haradami Skara i Jetenie. Kiroŭca transpartnaha srodku nie spraviŭsia z kiravańniem na zamierzłaj darozie, i hruzavik saśliznuŭ u kanavu. U vyniku incydentu nichto nie paciarpieŭ.

Častka teftelaŭ paśla avaryi apynułasia na darozie. Pa słovach Ermiksana, ich pryjdziecca vyhruzić z trejlera, pierš čym jaho možna budzie transpartavać ź miesca zdareńnia, ale heta zojmie cełuju noč.

0

0

0

0

0

0