U Zimbabve viarnuŭsia były premjer krainy, hałoŭny apanient Muhabe
Morhan Cvanhirai, były premjer-ministr Zimbabve i adzin z hałoŭnych apanientaŭ prezidenta krainy Robierta Muhabe, viarnuŭsia na terytoryju dziaržavy na fonie palityčnaha kryzisu.
Pra heta ŭ sieradu paviedamiŭ telekanał Sky News, karespandent jakoha apynuŭsia razam z palitykam na borcie samalota, jaki nakiroŭvaŭsia ŭ Charere.
Pa słovach reparciora, na borcie taksama znachodzilisia dva ministry, jakija viartalisia ŭ Zimbabve z Rasii.
Pa dadzienych paŭdniovaafrykanskaha telekanała eNCA, u kancy kastryčnika Cvanhirai nakiravaŭsia dla miedycynskaha abśledavańnia ŭ PAR, dzie ŭ vieraśni jon užo prachodziŭ kurs lačeńnia ŭ suviazi z dyjahnastavanym jaho rakam toŭstaj kiški.
U sieradu stała viadoma, što vajskoŭcy Zimbabve ŭziali pad vartu prezidenta krainy i jaho siamju, ministra finansaŭ Ihnasiusa Čombe, zabłakavali darohi da ŭradavych budynkaŭ, parłamienta i sudoŭ u Charare, a taksama zachapili budynak dziaržaŭnaj Teleradyjoviaščalnaj karparacyi.
