Karcinu Marka Šahała pradali za 28,4 miljona dalaraŭ
Karcina Marka Šahała «Kachanki» («Les Amoureux»), jakaja pakazvaje mastaka ŭ abdymkach ź jaho pieršaj žonkaj i muzaj, Bełaj Rozienfield, była pradadzienaja za 28,4 miljona dalaraŭ na aŭkcyjonie Sotheby's, piša Tut.by sa spasyłkaj na The New York Times.
Jak paviedamili pradstaŭniki Sotheby's, karcina była napisana ŭ 1928 hodzie i adrazu paśla hetaha była nabytaja siamjoj, jakaja i vystaviła pracu na prodaž. Pieršapačatkova «Les Amoureux» aceńvalisia ŭ 18 miljonaŭ dalaraŭ.
Imia ciapierašniaha pakupnika nie nazyvajecca. Viadoma tolki, što jaho intaresy pradstaŭlała kiraŭnik maskoŭskaha ofisa Sotheby's Iryna Ściapanava. Tamu, možna mierkavać, što ciapierašni ŭładalnik karciny - z Rasii.
Svajho novaha ŭładalnika znajšoŭ i pałatno Šahała «Vialiki cyrk» («Le Grand Cirque»), napisany ŭ 1956 hodzie. Na karcinie byli namalavanyja akrabaty i kłoŭny. Praca aceńvałasia ŭ 15 miljonaŭ dalaraŭ i była pradadzienaja za 16 miljonaŭ dalaraŭ kalekcyjanieru z Azii.
