Rabotniki zavodaŭ «Ford» pačali testavać ekzaškilety FOTA
Pieršyja pratatypy ekzaškileta ad Ekso Bionics užo pastupili na fabryki aŭtamabilebudaŭničaha kancerna Ford. Engadget paviedamlaje, što raspracoŭka viałasia ŭ supracoŭnictvie z pracaŭnikami kanviejera, jakija dapamahali ŭdaskanalvać kanstrukcyju, vyjaŭlajučy słabyja miescy i dapamahajučy palepšyć finalny varyjant pratatypaŭ.
Ekzaškilety EksoVest, jakija dapamahajuć ludziam padymać ciažkija rečy biez mocnych nahruzak na ŭłasny škilet i biez škody dla zdaroŭja, vyrablajucca na hrošy kampanii Ford, jakaja raźličvaje ŭ budučyni šyroka prymianiać ich na vytvorčaści, dapamahajučy svaim supracoŭnikam padtrymlivać vierchniuju častku tułava i zaścierahajučy ich ad praźmiernych pierahruzak.
Taki ekzaškilet padydzie dla luboje vytvorčaści, na jakoj treba niešta pastajanna nasić u rukach, tamu jaho možna ŭžyvać nie tolki na aŭtazavodzie, ale i na budoŭlach, u składach, padčas ramontaŭ doma.
