U Minsku pakryŭdžany mužčyna padpaliŭ dźviery kvatery znajomaha
Pravaachoŭniki zatrymali 43-hadovaha minčuka, jaki padpaliŭ dźviery kvatery ŭ domie pa vuł. Bahdanoviča, paviedamiła «Minsk-Naviny» aficyjny pradstaŭnik Centralnaha RUUS Taćciana Aboznaja.
Pra ŭzharańnie paviedamiła susiedka paciarpiełaha. Na miesca zdareńnia prybyli rabotniki MNS i milicyi. Pažar patušyli, paciarpieły napisaŭ zajavu ab vyšuku złamyśnika. Škodu jon acaniŭ u 1 200 rubloŭ.
Vyśvietliłasia, što padpaliŭ dźviery znajomy. Napiaredadni viečaram jon pryjšoŭ u hości, kab vypić. Nieŭzabavie mužčyna pajšoŭ, a praź niekatory čas viarnuŭsia z butelkaj z acetonam, abliŭ im dyvanok i ŭvachodnyja dźviery, paśla čaho padpaliŭ ich i syšoŭ. Jak rastłumačyŭ zatrymany, pryčynaj takoha ŭčynku stała kryŭda na znajomaha.
Jamu pahražaje da 10 hadoŭ turmy.