Mahutny ziemlatrus na miažy Irana i Iraka, bolš za 300 zahinułych
Na zachadzie Irana ŭ vyniku ziemlatrusu mahnitudaj 7,3 zahinuła bolš za 300 čałaviek, jašče šeść čałaviek zahinuli ŭ Iraku. Kolkaść achviar praciahvaje raści. Sotni ludziej atrymali ranieńni.
Ziemlatrus vyklikaŭ paniku siarod nasielnictva, žychary vybiehli sa svaich damoŭ na vulicy. Miačeci ŭ stalicy Iraka Bahdadzie tranślavali malitvy praz hukaŭzmacnialniki.
Razbureńni adznačany prynamsi ŭ vaśmi vioskach, paviedamiŭ iranskamu dziaržaŭnamu telekanału IRINN kiraŭnik iranskaha adździaleńnia Mižnarodnaha ruchu Čyrvonaha Kryža i Čyrvonaha Paŭmiesiaca Marteza Salim.
Ziemlatrus adbyŭsia za 30 kiłamietraŭ na paŭdniovy zachad ad Chałabdžy ŭ Irakskim Kurdystanie, niedaloka ad paŭnočna-ŭschodniaj miažy ź Iranam. Epicentr znachodziŭsia na hłybini 33,9 km, šturški adčuvalisia ŭ Turcyi, Izraili i Kuviejcie.
